💢 *છંદ* 💢

💢 *છંદ* 💢

▪છંદ  એટલે *કાવ્યમાં મધુરતા* લાવવા માટે નિયમો અનુસાર કરેલી મેળવાળી રચનાને છંદ કહે છે.

▪છંદના *બે પ્રકાર* છે.
૧. અક્ષરમેળ છંદ
 ૨. માત્રામેળ છંદ

▪લઘુ અક્ષર એટલે જે વર્ણમાં *હ્સ્વ સ્વર હોય તેને લઘુ અક્ષર* કહે છે. (લઘુની નિશાની U )

▪ગુરૂ અક્ષર એટલે  જે વર્ણમાં રહેલા *સ્વર દીર્ઘ હોઈ તેને ગુરૂ અક્ષર* કહે છે.( ગુરૂની નિશાની –)

▪ગણ એટલે *ત્રણ અક્ષરના સમુહને ગણ* કહે છે.

▪ગણસૂત્ર એટલે છંદના બંધારણ મેળવવા માટે *લઘુ- ગુરૂની નિશાનીવાળા સૂત્રને ગણસૂત્ર* કહે છે.

▪ગણ રચના : *લઘુ- ગુરૂ અક્ષરોના બનેલા જૂથને ગણ* કહે છે. આવા આઠ ગણ છે.

▪ગણસૂત્ર :- *યમાતારાજભાનસલગા*


*અક્ષરમેળ છંદ* :- મનહર, અનુષ્ટુપ , શિખરિણી, મંદાક્રાન્તા ,પૃથ્વી, શાર્દૂલવિક્રીડિત છંદ, સ્ત્રગ્ધરા છંદ

*માત્રામેળ છંદ* :- ચોપાઈ, દોહરો, હરિગીત અને સવૈયા

 *(૧) મનહર છંદ :-*
▪કુલ બે પંક્તિમાં હોય છે. કુલ *૩૧ અક્ષરો* હોય છે.
▪પ્રથમ પંક્તિમાં ૧૬ અક્ષર અને બીજી પંક્તિમાં ૧૫ અક્ષર હોય છે.
▪યતિ ૮મા અને ૧૬માંઅક્ષરે હોય અને છેલ્લો અક્ષર ગુરૂ આવે છે. ( ગણસૂત્ર બંધારણ નથી.)
       
▪ *ઉદાહરણો*

૧: પોલું છે તે વાગ્યું એમાં કરી તે શી કારીગરી,સાંબેલું વગાડે તો હું જાણું કે તું શાણો છે.

૨: સાંભળી શિયાળ બોલ્યું, દાખે દલપતરાય અન્યનું તો એક વાંકુ, આપના અઢાર છે.

૩ : ચૌટામાં લુંટાણી મહારાણી ગુજરાતી વાણી,જાણી તેનું દુઃખ ઘણો દીલગીર દિલ છું..

૪ : નાગરવેલની જેવી નાજુકડી  નાર વાંકી,વાંકો એનો અંબોડો ને વાંકા એના વેણ છે.

૫ : એક ભોળો ભાભો મોટા ખેતરમાં માળે ચડી,હરણાં હાંકે અને પક્ષીઓને ઉડાડે છે.

(૨)શિખરિણી છંદ:-*

▪કુલ *અક્ષર ૧૭* હોય છે
▪યતિ ૬ કે ૧૨ મા અક્ષરે આવે છે.
▪૯ લઘુ અક્ષર અને ૮ ગુરૂ અક્ષર
▪ _પ્રથમ અક્ષર લઘુ,ત્યારપછી પાંચ ગુરૂ_ આવે.
▪બંધારણ : યમનસભલગા
    (U––  – – –  U U U   U U–   –U U     U  –)
▪શોર્ટકટ :- ય....લગા
(યમાતા...લ ગા) (U––....U –)

▪ઉદાહરણો:-
૧ : કદી મારી પાસે વનવન તણા હોત કુસુમો.
૨ : ઊંડા અંધારેથી પ્રભુ! પરમ તેજે તું લઇ જા.
૩ : અસત્યોમાહેથી પ્રભુ! પરમ સત્યે તું લઇ જા.
૪ : હજી તારો હાલો મુજ કરણમહી રણઝણે.
૫: નદી દોડે, સોળે ભડભડ બળે ડુંગર વનો.
૬ : મને એ ચક્ષુમાં પ્રભુ ! જગતતીર્થોત્તમ મળ્યું.
૭ : વળાવી બા આવી, નિજ સકલ સંતાન ક્રમશઃ
૮ : ઠરી મારી આંખો, કબીરવડ તું ને નીરખીને.
૯ : બપોરી વેળાનું હરિતવરણું ખેતર ચડ્યું.
૧૦ : મને બોલાવે આ ગિરિવર તણા મૌન શિખરો.
૧૧ : ભમ્યો તીર્થે તીર્થે ધરી ઉર મનીષા દરશની.


(૩)પૃથ્વી છંદ:-*

▪કુલ *અક્ષર ૧૭* હોય છે
▪ યતિ ૮ મા કે ૯ માઅક્ષરે આવે છે.
▪૧૦ લઘુ અક્ષર અને ૭ ગુરૂ અક્ષર
▪ _પ્રથમ અક્ષર ત્રણ લઘુ-ગુરૂ-લઘુ_
▪બંધારણ:- *જસજસયલગા*
▪(U–U, U U–, U–U, U U–, U– –, U, –)
▪શોર્ટકટ :- જ...લગા
(જભાન...લગા) (U–U....U–)

 *▪ઉદાહરણો :-*
૧ : મને શિશુતણી ગમે સરળ સૃષ્ટિ સ્નેહ ભરી.
૨ : ભમો ભરતખંડમાં સકલ ભોમ ખુંદી વળો.
૩ : ધમાલ ન કરો જરાય,નહિનેણ ભીના થશો.
૪ : પ્રિયે તુજ લટે ધરું ધવલ સ્વચ્છ આ મોગરો.
૫ : મળે અધિક જે તને મુજ થકી ઉપે થાપજે.
૬ : પડ્યા જખમ સૌ સહ્યા, સહીશ હું હજુ એ બરુ.


(૪)મંદાક્રાન્તા છંદ:-*

▪કુલ *અક્ષર ૧૭* હોય છે
▪યતિ ૪ અને ૧૦મા અક્ષરે આવે છે.
▪૭ લઘુ અક્ષર અને ૧૦ ગુરૂ અક્ષર હોય છે.
▪બંધારણ :- *મભનતતગાગા*
▪(– – –,– U U, U U U, – –U, – –U, –,–)
▪શોર્ટકટ '- *મ....ગાગા*
(માતારા...ગાગા) (–––...––)


▪ *ઉદાહરણો:-*
1 : રે પંખીડા ! સુખથી ચણજો, ગીતવા કાંઈ ગાજો.
2 : રે રે શ્રધ્ધા ગત ગઈ પછી કોઈ કાળે ન આવે.
3 : ધીમે ઊઠી શિથિલકરને નેત્રની પાસ રાખી.
4 : ઊભા છેલ્લી નજર ભરીને જોઈ લેવા જ ભૂમિ.
5 : બોખી શીશી ટિનનું ડબલું બાલદી કૂખકાણી.
6 : દીઠાં હેતે,સ્મૃતિપડ બધાં ઊકલ્યા આપ રૂડાં.
7 : પાપી તેમાં ડૂબકી દઈને પુણ્યશાળી બને છે.
8 : છે કો મારું અખિલ જગમાં ? બુમ મેં એક પાડી.


(૫)અનુષ્ટુપ છંદ:-*

▪પ્રથમ પંક્તિમાં ૧૬ અક્ષર અને બીજી પંક્તિમાં ૧૬ અક્ષર એમ બે ચરણમાં હોય છે. *કુલ અક્ષર ૩૨* હોય છે
▪આ છંદમાં *કુલ ચાર ચરણ* આવે છે.             
▪દરેક *ચરણમાં આઠ અક્ષર* હોય છે.
▪આ છંદમાં ગણસૂત્ર નથી.
▪પહેલા અને ત્રીજા ચરણમાં પાંચમો અક્ષર લઘુ અને છઠ્ઠો અક્ષર ગુરૂ અને સાતમો અક્ષર ગુરૂ હોય છે.
 (લઘુ ગુરુ લઘુ)(U – U)
▪બીજા અને ચોથા ચરણમાં પાંચમો અક્ષર લઘુ અને છઠ્ઠો અક્ષર ગુરૂ અને સાતમો અક્ષર લઘુ હોય છે.
( લઘુ ગુરૂ લઘુ)(U – U)

▪ *ઉદાહરણો* :-

1.સૌદર્ય વેડફી દેતાં, ના ના સુંદરતા મળે,સૌદર્ય પામતા પહેલાં, સૌદર્ય બનવું પડે.

2.સત્યનું કાવ્ય છો આપું ! કાવ્યનું સત્ય છો તમે,ઝંખતી કાવ્યને સત્યે, સૃષ્ટિઆ આપને નમે.

3.પતિએ પીઠ દીધીને, દધિતાદેખતી રહી,અંતે હાય ! કહી બાળા, મૂર્છીતા ભૂતલે પડી.

4.રહેવા દે ! રહેવા દે ! આ સંહાર યુવાનતું,ઘટે ના ક્રુરતા આવી, વિશ્વ સૌદર્ય કુમળું.


(૬)શાર્દૂલવિક્રીડિત છંદ :-*

▪કુલ *અક્ષર ૧૯* હોય છે.
▪યતિ ૭ અને ૧૨મા અક્ષરે આવે છે.
▪ *૮ લઘુ અક્ષર* અને *૧૧ ગુરૂ અક્ષર* હોય છે.
▪પ્રથમ ત્રણ અક્ષર ગુરુ ગુરુ ગુરુ (– – –)  અને છેલ્લો અક્ષર પણ  ગુરુ હોય છે.

▪ *બંધારણ :- મસજસતતગા*
▪(– – –,U U-, U-U ,U U-,–U, –U, –)
▪ *શોર્ટકટ :- મ...ગા ગા*
(માતારા...ગા ગા)(–––...––)
▪જોડાક્ષર પૂર્વેનો લઘુ અક્ષર ગુરૂ ગણાય.
 
 *▪ઉદાહરણો :-*

1.ના તારો અપરાધ, આમ ત્યજવા જેવો લગારે થયો.
2.અંધારું થયું પાતળું નભ વિષે તારાઘ્રુતિ નીતરી.
3.ભૂલોની જ પરંપરા જગતઆ,એવું દીસે છે પિતા!
4.આ સંસાર અસાર છે અહહહા ! એ શીખ આજે મળી.
5.આંસુના પડદા વતી નયન તો મારાં થયા આંધળા.
6.ને હું મહેલ વિષે વસું સુખ થકી,એ યોગ્ય ભાસે નહી.


(૭)સ્ત્રગ્ધરા છંદ :-*

▪કુલ *અક્ષર ૨૧* હોય છે.
▪યતિ ૭ – ૭ – ૭ મા અક્ષરે આવે છે.
▪૯ લઘુ અક્ષર અને ૧૨ ગુરૂ અક્ષર હોય છે.
▪ *પ્રથમ ત્રણ અક્ષર ગુરુ ગુરુ ગુરુ*
 (– – –)  અને છેલ્લો  ત્રણ અક્ષરો  ગુરૂ લઘુ લઘુ (U – –)

▪ *બંધારણ :- મરભનયયય*
▪(– – –,–U–, –U U , U U U, U – –, U – –, U – –)
👉▪*શોર્ટકટ:- મ...ય*
(માતારા...યમાતા)(–––...U––)

▪ *ઉદાહરણો:-*

1.ઝંઝાવાતે ઘુમાવી એટલ વિતલ સૌ એક આકાશ કીધું.
2.દેવોને માનવોના મધુમિલન તણાસ્થાન સંકેતજેવા.
3.ધીમે ધીમે છટાથી કુસુમ રજ લઇ ડોલતો વાયુ વાયે.
4.ખંખેરી મોહનીને તનમન થઇ તૈયાર હાવાં ગયાં જે.


(૮)માલિની છંદ :-*

▪કુલ *અક્ષર ૧૫* હોયછે.
▪યતિ ૮મા અક્ષરે આવે છે.

▪ *બંધારણ :- નનમયય*
(U U U, U U U, —, U–, U–)
▪ *શોર્ટકટ :- ન...ય*
(નસલ...યમાતા)(UUU...U––)

▪ *ઉદાહરણો:-*

1.સરળ હદય ઈચ્છે પાપીને પ્રેમ પાવા.

સંકલન અને રજૂઆત :-

આચાર્યશ્રી જે.આઈ.પરમાર